Жаҳон чемпионати — 2026 плей-офф босқичининг илк раундида Миср терма жамоаси Австралия миллий терма жамоасидан устун келди. Асосий ва қўшимча вақтларда рақиблар 1:1 ҳисобидаги дурангни қайд этишди, пенальтилар сериясида эса африкаликлар аниқроқ ҳаракат қилишди — 4:2.
Ушбу натижа ҳақида мисрлик форвард Хессем Хассан ўз фикрларини билдириб ўтди.
«Ақл бовар қилмайдиган ўйин бўлди. Жамоамиз 120 миллион инсонни бахтли қила олди. Энди Мисрда ҳақиқий байрам бўлади. Иккала жамоада ҳам кейинги босқичга чиқиш учун имкониятлар бор эди, ҳамма нарса 11 метрлик пенальтилар сериясида ҳал бўлди. Биз тарихга кирдик. Бу жуда ажойиб оқшом бўлди», — дея футболчининг сўзларини ФИФА матбуот хизмати келтиради.
Жаҳон чемпионатининг кейинги босқичида (1/8 финалда) Миср терма жамоаси Аргентинага қарши майдонга тушади.
