Ispaniya terma jamoasi yarim himoyachisi Pedri Shimoliy Amerikada bo‘lib o‘tayotgan JCH–2026 musobaqasidagi o‘zi uchun «orzudagi final» haqida gapirib o‘tdi.
«Jahon chempionati finalida Messiga qarshi maydonga tushish — bu haqiqiy orzu. Men uchun u futbol tarixidagi eng buyuk futbolchidir. Uning o‘yinlarini tomosha qilish menga juda yoqadi. Lionelning maydonda qilayotgan ishlari shunchaki hayratlanarli. 39 yoshda bunday darajada to‘p surish faqat betakror va ulkan talant evazigagina bo‘lishi mumkin», — deya yarim himoyachining so‘zlarini AS nashri keltirmoqda.
Eslatib o‘tamiz, Jahon chempionatining 1/8 finalida Ispaniya terma jamoasi Portugaliyaga qarshi bahs olib boradi. Argentinaga kelsak, Lionel Skaloni shogirdlari Misr terma jamoasiga qarshi maydonga tushishadi. Har ikki uchrashuv ham kelasi haftada bo‘lib o‘tadi.
