Andrey Arshavin Krishtianu Ronalduning 2026 yilgi jahon chempionatida Portugaliya terma jamoasidagi roli haqida o‘z fikri bilan o‘rtoqlashdi.

«Jahon chempionatida Portugaliyaning o‘yini menga yoqmayapti. Mening fikrimcha, ularning tarkibi ko‘rsatayotgan o‘yinidan ancha yaxshiroq. Krishtianu Ronaldu ularga xalaqit bermoqda. Uning pozisiyasidagi boshqa futbolchi Portugaliya terma jamoasiga ko‘proq foyda keltirgan bo‘lardi. Ammo u Ronaldu, shuning uchun uni tarkibga qo‘yishmoqda», — dedi Arshavin.

Portugaliya terma jamoasi jahon chempionatining 1/8 finaliga yo‘l oldi. Guruh bosqichida jamoa DR Kongo bilan durang o‘ynadi (1:1), O‘zbekistonni mag‘lub etdi (5:0) va Kolumbiya bilan o‘yinni 0:0 hisobida yakunladi. 1/16 finalda portugaliyaliklar Xorvatiya terma jamoasini mag‘lub etishdi (2:1). Keyinchalik Portugaliya terma jamoasini 1/8 finalda Ispaniyaga qarshi bahs kutmoqda.