«Al-Ahli» bosh murabbiyi Mattias Yayssle «Zenit» klubining qanot hujumchisi Luis Enrike xizmatlariga qiziqish bildirmoqda. Saudiya klubida 25 yoshli vinger nomzodi bir oydan beri muhokama qilinmoqda. Bu haqda jurnalist Mohammed Doki o‘zining X ijtimoiy tarmog‘idagi sahifasida xabar berdi.

Manbaning bergan ma’lumotlariga ko‘ra, «Al-Ahli» Enrikeni «Zenit»dan sotib olish uchun 45 million yevro ajratishi mumkin.

Braziliyalik futbolchi «ko‘k-oq-moviylar» (piterliklar) safida 2025 yilning yanvaridan buyon to‘p surib kelmoqda. Ortda qolgan mavsumda hujumchi barcha musobaqalarda 34 ta uchrashuvda maydonga tushib, o‘z hisobiga 6 ta gol va 4 ta golli uzatmani yozdirib qo‘ydi. Futbolchining klub bilan amaldagi mehnat shartnomasi 2028 yilning yakuniga qadar mo‘ljallangan. Transfermarkt portalida taqdim etilgan ma’lumotlarga ko‘ra, futbolchining bozor qiymati 24 million yevroni tashkil etadi.