La Stampa nashrining xabariga ko‘ra, Turin klubi «Parma» posboni Zion Suzukini o‘z safiga qo‘shib olishga harakat qilmoqda. Biroq «Yuventus» yaponlik futbolchining transferi uchun kurashda «Lids»ga imkoniyatni boy bermoqda, chunki ingliz klubi allaqachon transfer uchun 30 million yevro taklif qilgan.

Suzuki 2024 yilda «Sent-Truyden»dan «Parma»ga 8 million yevro evaziga o‘tgan edi. Uning shartnomasi 2029 yilning 30 iyuniga qadar mo‘ljallangan.

2025/26 yilgi mavsumda darvozabon klub darajasida barcha turnirlarda 22 ta o‘yinda maydonga tushib, o‘z darvozasidan 30 ta gol o‘tkazib yubordi va 6 ta uchrashuvda darvozasi daxlsizligini saqlab qoldi. Transfermarkt portali Suzukining qiymatini 20 million yevroga baholamoqda.