Qanot hujumchisi Bazumana Ture «Nyukasl» a’zosiga aylandi. Bu haqdagi tegishli ma’lumot ingliz klubining rasmiy saytida e’lon qilindi.
20 yoshli vinger Germaniyaning «Xoffenxaym» klubidan sotib olindi. Mish-mishlarga ko‘ra, transfer summasi 50 million yevroni tashkil etgan. «Qarg‘alar» mehnat shartnomasining aniq muddati haqida ma’lum qilishmadi, biroq klub bayonotida shartnoma uzoq muddatli xarakterga ega ekanligi aytilgan.
Ivuarlik (Kot-d'Ivuar) futbolchi Germaniyada 2025 yilning fevral oyidan buyon to‘p surib kelayotgan edi. «Xoffenxaym» tarkibida Ture 45 ta o‘yinda maydonga tushib, 5 ta gol urdi va 15 ta golli uzatmani amalga oshirdi.
Eslatib o‘tamiz, Angliya Premyer-ligasining yangi mavsumi 21 avgust kuni start oladi.
