Angliya terma jamoasi yarim himoyachisi Jordan Xenderson Jahon chempionatida kutilmagan va g‘alati jarohat oldi. Nimchorak finalda Meksika ustidan qozonilgan g‘alabani (3:2) nishonlash vaqtida, Xenderson reklama to‘sig‘idan sakrab o‘tayotib, ehtiyotsizlik oqibatida yiqilib tushgan. Natijada u bilagini shikastlab oldi. Jordanni maydondan zambilda olib chiqib ketishdi, hatto unga kislorod maskasi ham taqishga to‘g‘ri keldi.
The Athletic nashrining xabar berishicha, ushbu jarohatdan so‘ng Xenderson jarrohat amaliyotini o‘tkazishi kerak. Katta ehtimol bilan, Jordan joriy mundialda boshqa maydonga tusha olmaydi.
JCH-2026 doirasida Jordan Xenderson maydonda bor-yo‘g‘i olti daqiqa harakat qildi xolos — bu Panamaga qarshi bahsda yuz bergandi. Qolgan barcha vaqtni 36 yoshli yarim himoyachi zaxira o‘rindig‘ida o‘tkazdi.
