«Bornmut»ning 20 yoshli hujumchisi Eli Junior Krupi Londonning «Arsenal» klubi qiziqishlari doirasiga tushib qoldi. Bu haqda Daily Mail Sport nashri xabar bermoqda.
Manba bergan ma’lumotlarga ko‘ra, «kanonirlar» Krupining o‘yiniga qoyil qolishmoqda, biroq bu transfer juda qimmatga tushadi. «Olchalar» o‘z to‘purarini jamoada olib qolmoqchi, shu sababli 105 million yevrodan kam bo‘lgan takliflarni ko‘rib chiqish niyatida emaslar.
Bundan tashqari, «Arsenal» bosh murabbiyi Mikel Artetaning istaklar ro‘yxatida «Atletiko» forvardi Xulian Alvares ham qolmoqda, ammo uning transferi ham 100 million yevrodan kamiga tushmaydi.
Eslatib o‘tamiz, o‘tgan yozda «Arsenal» «Sporting»dan Viktor Dyokereshni 67 million yevro evaziga sotib olgan edi. Biroq hozircha shvesiyalik futbolchi «kanonirlar»da o‘zini to‘liq ko‘rsata olmayapti.
