«Борнмут»нинг 20 ёшли ҳужумчиси Эли Жуниор Крупи Лондоннинг «Арсенал» клуби қизиқишлари доирасига тушиб қолди. Бу ҳақда Daily Mail Sport нашри хабар бермоқда.

Манба берган маълумотларга кўра, «канонирлар» Крупининг ўйинига қойил қолишмоқда, бироқ бу трансфер жуда қимматга тушади. «Олчалар» ўз тўпурарини жамоада олиб қолмоқчи, шу сабабли 105 миллион евродан кам бўлган таклифларни кўриб чиқиш ниятида эмаслар.

Бундан ташқари, «Арсенал» бош мураббийи Микель Артетанинг истаклар рўйхатида «Атлетико» форварди Хулиан Альварес ҳам қолмоқда, аммо унинг трансфери ҳам 100 миллион евродан камига тушмайди.

Эслатиб ўтамиз, ўтган ёзда «Арсенал» «Спортинг»дан Виктор Дьёкерешни 67 миллион евро эвазига сотиб олган эди. Бироқ ҳозирча швециялик футболчи «канонирлар»да ўзини тўлиқ кўрсата олмаяпти.