Londonning «Chelsi» klubi 22 yoshli vinger Alexandro Garnacho bilan xayrlashishga tayyor. Bu haqda Football London xabar bermoqda.

Shu bilan birga, «ko‘klar» ijara variantlarini ko‘rib chiqish niyatida emasligi ta’kidlanmoqda, vaholanki Italiyaning «Roma» klubi futbolchini aynan shu yo‘l bilan o‘z safiga qo‘shib olmoqchi edi. «Chelsi» faqat to‘liq transferga rozi va Garnachoning sotuvidan taxminan 47 million yevro ishlab olishni ko‘zlamoqda.

O‘tgan yozda «Chelsi» vingerni «Manchester Yunayted»dan 46,2 million yevro evaziga sotib olgan edi. London jamoasi tarkibida u 43 ta uchrashuvda maydonga tushib, 8 ta gol urdi va 4 ta golli uzatmaga mualliflik qildi.