Лондоннинг «Челси» клуби 22 ёшли вингер Алехандро Гарначо билан хайрлашишга тайёр. Бу ҳақда Football London хабар бермоқда.

Шу билан бирга, «кўклар» ижара вариантларини кўриб чиқиш ниятида эмаслиги таъкидланмоқда, ваҳоланки Италиянинг «Рома» клуби футболчини айнан шу йўл билан ўз сафига қўшиб олмоқчи эди. «Челси» фақат тўлиқ трансферга рози ва Гарначонинг сотувидан тахминан 47 миллион евро ишлаб олишни кўзламоқда.

Ўтган ёзда «Челси» вингерни «Манчестер Юнайтед»дан 46,2 миллион евро эвазига сотиб олган эди. Лондон жамоаси таркибида у 43 та учрашувда майдонга тушиб, 8 та гол урди ва 4 та голли узатмага муаллифлик қилди.