«Arsenal» va Ispaniya terma jamoasi darvozaboni David Rayya futbol bo‘yicha 2026 yilgi jahon chempionati 1/8 finalidan o‘rin olgan Portugaliyaga qarshi uchrashuvda (1:0) yarim himoyachi Mikel Merino bilan bo‘lgan suhbat tafsilotlarini oshkor qildi. Unda Merino o‘zining g‘alaba to‘pini kiritishini oldindan aytgan edi.
«Men zaxira o‘rindig‘ida Mikel bilan yonma-yon o‘tirgandim. U menga o‘girilib, shunday dedi: “Bilasanmi, hozir maydonga tushaman va xuddi «Arsenal»da doim qiladiganimizdek, so‘nggi daqiqalardagi gollardan birini uraman, degan tuyg‘u bor”. O‘yindan keyin undan: “Bu gapni chin dildan aytganmiding?” deb so‘radim. U shunchaki kulib yubordi va: “Qo‘ysangchi, David, biz «Arsenal»da buni har kuni qilamiz-ku. Men klub mentalitetini his qildim”, deb javob berdi. Men esa shunchaki jilmayib qo‘ydim, chunki bizda o‘zimizga bo‘lgan ishonch aynan shunday. Biz doimo hakamning yakuniy hushtagi chalingunga qadar muvaffaqiyatga ishonamiz», — dedi Rayya o‘yindan keyingi intervyusida.
JCH-2026 chorak finalida Ispaniya Belgiya bilan to‘qnash keladi. Uchrashuv 10 iyul kuni Toshkent vaqti bilan soat 00:00 da boshlanadi.
