«Арсенал» ва Испания терма жамоаси дарвозабони Давид Райя футбол бўйича 2026 йилги жаҳон чемпионати 1/8 финалидан ўрин олган Португалияга қарши учрашувда (1:0) ярим ҳимоячи Микель Мерино билан бўлган суҳбат тафсилотларини ошкор қилди. Унда Мерино ўзининг ғалаба тўпини киритишини олдиндан айтган эди.

«Мен захира ўриндиғида Микель билан ёнма-ён ўтиргандим. У менга ўгирилиб, шундай деди: “Биласанми, ҳозир майдонга тушаман ва худди «Арсенал»да доим қиладиганимиздек, сўнгги дақиқалардаги голлардан бирини ураман, деган туйғу бор”. Ўйиндан кейин ундан: “Бу гапни чин дилдан айтганмидинг?” деб сўрадим. У шунчаки кулиб юборди ва: “Қўйсангчи, Давид, биз «Арсенал»да буни ҳар куни қиламиз-ку. Мен клуб менталитетини ҳис қилдим”, деб жавоб берди. Мен эса шунчаки жилмайиб қўйдим, чунки бизда ўзимизга бўлган ишонч айнан шундай. Биз доимо ҳакамнинг якуний ҳуштаги чалингунга қадар муваффақиятга ишонамиз», — деди Райя ўйиндан кейинги интервьюсида.

ЖЧ-2026 чорак финалида Испания Белгия билан тўқнаш келади. Учрашув 10 июль куни Тошкент вақти билан соат 00:00 да бошланади.