Angliya milliy terma jamoasi markaziy himoyachisi Mark Gexi Jahon chempionati-2026 chorak finalida Norvegiya terma jamoasi hujumchisi Erling Xolandga qarshi bo‘lajak o‘yin haqida gapirdi.
«Bu qiziq bo‘ladi. Erling hozirda juda ajoyib sport formasida. Bu jiddiy chaqiruv, tanish chehralarni ko‘rish juda yoqimli. G‘alaba qozonish uchun bor kuchimizni ishga solishga harakat qilamiz», - deya himoyachining so‘zlarini keltiradi The Sun nashri.
Ta’kidlash joizki, Xoland ushbu mundialda o‘z hisobiga 7 ta gol yozdirib qo‘yishga ulgurdi.
Angliya va Norvegiya terma jamoalari o‘rtasidagi uchrashuv yakshanba, 12 iyul kuni bo‘lib o‘tadi. Bosh hakamning start hushtagi Toshkent vaqti bilan soat 02:00da chalinadi.
