«Manchester Siti» yangi futbolchi bilan shartnoma imzoladi. Angliya klubi safiga 17 yoshli qanot hujumchisi Jeremi Monga kelib qo‘shildi. Bu haqdagi ma’lumot «shaharliklar»ning rasmiy saytida e’lon qilindi.
17 yoshli Monga va «Manchester Siti» besh yilga — 2030/2031 yilgi mavsum yakuniga qadar mo‘ljallangan mehnat shartnomasini tuzishdi.
Avvalroq matbuotda ushbu transfer summasi taxminan 12 million yevroni tashkil qilishi xabar berilgan edi.
Monga «Lester» klubi tarbiyalanuvchisi hisoblanadi. Angliyalik vinger «tulkilar»ning asosiy jamoasi tarkibida 2025 yildan buyon to‘p surib kelayotgan edi. Yakunlangan mavsumda u 30 ta o‘yinda maydonga tushib, bitta gol urdi va ikkita golli uzatmani amalga oshirdi.
Angliya Premyer-ligasining yangi mavsumi 21 avgust kuni start oladi.
