Ispaniya terma jamoasi yarim himoyachisi Rodri Ernandes joriy Jahon chempionatida raqib jarima maydonchasi atrofidagi sheriklarini qulay vaziyatga chiqaruvchi 62 ta uzatmani amalga oshirdi. Bu haqda Opta statistika portali ma’lumot bermoqda.
Rodrining ushbu natijasi oxirgi 12 yil ichidagi bir turnir doirasida qayd etilgan eng yaxshi ko‘rsatkich bo‘ldi. Bundan avval, 2014 yilgi Jahon chempionatida Germaniya terma jamoasi yarim himoyachisi Toni Kroos ham xuddi shuncha aniq va xavfli uzatmani o‘z hisobiga yozdirib qo‘ygan edi.
Eslatib o‘tamiz, Belgiya ustidan qozonilgan 2:1 hisobidagi g‘alabadan so‘ng, ispaniyalik futbolchilar mundialning yarim finaliga yo‘l olishdi va u yerda Fransiya terma jamoasiga qarshi bahs olib borishadi.
