Calciomercato nashrining La Gazzetta dello Sport'ga tayanib xabar berishicha, «Yuventus» Fikayo Tomorini o‘z safiga qo‘shib olishga yana bir bor urinib ko‘rmoqchi.

Avvalgi transfer urinishi barbod bo‘lganidan bir yarim yil o‘tib, turinliklar «Milan» markaziy himoyachisini yana ko‘rib chiqmoqdalar. U A Seriyada katta tajribaga ega o‘yinchi sifatida baholanmoqda, bu esa bosh murabbiy Luchano Spallettining talablariga mos keladi.

Biroq bitim turinliklarning sotuvlariga bog‘liq bo‘ladi. Rahbariyat uchun transfer bozoriga chiqishdan oldin tarkibni optimallashtirish ustuvor vazifa hisoblanadi. Ketishi mumkin bo‘lgan nomzodlar orasida katta foyda keltirishi kutilayotgan Federiko Gatti bor.

Gatti ketgan taqdirda, «Yuventus» Tomorini sotib olishga harakat qilishga tayyor. Mario Xila kelganidan so‘ng o‘yin vaqti kamayishi kutilayotgan 28 yoshli futbolchi o‘tish imkoniyatini ko‘rib chiqishi mumkin. Ingliz futbolchisining «Milan» bilan shartnomasi 2027 yilda o‘z nihoyasiga yetadi.

Tomori 2021 yildan buyon milanliklar safida to‘p surib kelmoqda va shu vaqt ichida 214 ta o‘yinda ishtirok etib, 7 ta gol urgan.