OAVda «Real» va Vinisius Junior o‘rtasidagi shartnomani uzaytirish bo‘yicha murakkab muzokaralar muhokama qilinayotgan bir paytda, Madrid klubi o‘z rasmiy saytida Vinisiusning tug‘ilgan kuni munosabati bilan tabrik e’lon qildi.
Klub mazkur xabarda Vinisiusning «Real»dagi sakkiz mavsum davomidagi o‘yinlari, xususan, braziliyalik futbolchining Chempionlar ligasidagi g‘alabalarga qo‘shgan hissasi haqida qisqacha to‘xtalib o‘tdi.
«Tug‘ilgan kuning bilan, Vinisius Junior!» — deyiladi «Real»ning ijtimoiy tarmoqlardagi sahifalarida qoldirilgan boshqa bir xabarda.
Vinisius «Real» safida 375 ta o‘yinda maydonga tushib, 128 ta gol urdi va 100 ta golli uzatmani amalga oshirdi. Braziliyalik futbolchining klub bilan amaldagi shartnomasi 2027 yilning o‘rtalariga qadar mo‘ljallangan.
