«Barselona» rahbari Joan Laporta hujumchi Xulian Alvares borasida Madridning «Atletiko» klubi bilan olib borilayotgan muzokaralar haqidagi savolga javob berdi.
Argentinalik futbolchining o‘zi transferni amalga oshirishga ochiq istak bildirganiga qaramay, «matraschilar» hamon «ko‘k-anorranglilar»ga yon bosishmayapti.
«Biz boshqalarning nayiga o‘ynamoqchi emasmiz. Alvares — ajoyib o‘yinchi. U bo‘yicha taklifimiz kuchda qolmoqda, ammo uning amal qilish muddati cheksiz emas», — deya Laportaning so‘zlarini keltiradi Mundo Deportivo.
Transfermarkt portali Xulian Alvaresning qiymatini 100 million yevroga baholamoqda. 26 yoshli futbolchining «Atletiko» bilan mehnat shartnomasi 2030 yilgacha mo‘ljallangan.
