29 yoshli fransiyalik qanot hujumchisi Allan Sen-Maksimen Amerikaning «Sharlott» klubi bilan shartnoma imzoladi. Bu haqda MLS vakili bo‘lgan jamoa matbuot xizmati rasmiy saytida ma’lum qildi.
Vinger Shimoliy Karolina klubi safiga erkin agent maqomida kelib qo‘shildi va uch yillik mehnat shartnomasini imzoladi.
Fransiyaning «Sent-Etyen» tarbiyalanuvchisi bo‘lgan futbolchi «Monako», «Nissa», «Nyukasl», «Fenerbaxche», «Gannover» va boshqa klublardagi o‘yinlari orqali tanilgan. 2026 yilning fevralidan buyon Sen-Maksimen «Lans» sharafini himoya qilib kelayotgandi. U mazkur jamoa tarkibida barcha turnirlarda 13 ta o‘yinda maydonga tushib, to‘rtta gol urgan va uchta golli uzatmani amalga oshirgan.
