«Barselona» va Fransiya terma jamoasi himoyachisi Jyul Kunde Jahon chempionati 1/2 finali doirasidagi Ispaniyaga qarshi bo‘lajak o‘yin haqida fikr bildirdi.
«Ispaniyaning kuchi — bu ularning jamoaviy o‘yini va to‘pni nazorat qilishida. Bizning o‘yin uslubimiz biroz boshqacharoq, ya’ni himoyadan hujumga o‘tishga asoslangan. Shunga qaramay, ularga xalaqit berish uchun biz ham to‘pni nazorat qilishga harakat qilamiz.
Ispaniyaga qarshi o‘yinda ularga barcha 90 daqiqa davomida to‘pni nazorat qilishga ruxsat berib bo‘lmaydi, chunki oxir-oqibat ular bo‘sh zonalarni topishadi va sizni charchatib qo‘yishadi», — dedi Kunde matbuot anjumanida.
