«Manchester Yunayted» safiga darvozabon Karl Darlou kelib qo‘shildi. 35 yoshli posbon barcha zarur tibbiy ko‘riklardan muvaffaqiyatli o‘tganidan so‘ng klub bilan shartnoma imzoladi.

Kelishuv 2028 yilning yoziga qadar mo‘ljallangan bo‘lib, uni yana bir mavsumga uzaytirish imkoniyati ham mavjud.

«Manchester Yunayted» bilan shartnoma imzolaganimdan juda faxrlanaman. Men ajoyib darvozabonlar guruhiga qo‘shilmoqdaman va klub talab qiladigan yuqori standartlarni ushlab turish uchun ular bilan birga ishlashni intizorlik bilan kutyapman», — dedi Darlou.

Uels terma jamoasi darvozaboni professional faoliyati davomida 279 ta o‘yin o‘tkazgan, shu jumladan, 74 tasi Premyer-liga doirasida. O‘tgan mavsumda u «Lids»ning asosiy posboni bo‘lgan va 5 ta o‘yinda o‘z darvozasi daxlsizligini saqlab qolgan.