«Bavariya»ning sobiq futbolchisi Valeryen Ismael myunxenliklar vingeri Maykl Olisening kelajagi borasida o‘z fikrini bildirdi.
«Agar Germaniyada Olise kabi futbolchini saqlab qola oladigan biror jamoa bo‘lsa, bu faqat «Bavariya». Dortmundning «Borussiya»si, «RB Leypsig» va boshqa kuchli klublar bunday o‘yinchilarni ushlab qola olmaydi. «Bavariya» Olisening qadrini biladi va yulduz futbolchisini shunchaki qo‘yib yubormoqchi emas. Ishonamanki, Olise «Bavariya»dan ketmaydi», — deya Ismaelning so‘zlaridan iqtibos keltiradi Run nashri.
Eslatib o‘tamiz, avvalroq Madridning «Real» klubi Maykl Oliseni o‘z safiga qo‘shib olishga jiddiy qiziqish bildirayotgani haqida xabarlar tarqalgandi.
