«Бавария»нинг собиқ футболчиси Валерьен Исмаэль мюнхенликлар вингери Майкл Олисенинг келажаги борасида ўз фикрини билдирди.

«Агар Германияда Олисе каби футболчини сақлаб қола оладиган бирор жамоа бўлса, бу фақат «Бавария». Дортмунднинг «Боруссия»си, «РБ Лейпциг» ва бошқа кучли клублар бундай ўйинчиларни ушлаб қола олмайди. «Бавария» Олисенинг қадрини билади ва юлдуз футболчисини шунчаки қўйиб юбормоқчи эмас. Ишонаманки, Олисе «Бавария»дан кетмайди», — дея Исмаэльнинг сўзларидан иқтибос келтиради Run нашри.

Эслатиб ўтамиз, аввалроқ Мадриднинг «Реал» клуби Майкл Олисени ўз сафига қўшиб олишга жиддий қизиқиш билдираётгани ҳақида хабарлар тарқалганди.