Ispaniya terma jamoasi hujumchisi Mikel Oyarsabal 2026 yilgi jahon chempionati yarim finalida Fransiya darvozasini ishg‘ol qilib, milliy jamoa safidagi 30-golini urdi.
FIFA rasmiy sayti ma’lumotiga ko‘ra, Oyarsabal Ispaniya terma jamoasi tarixida 30 ta gol marrasiga yetgan oltinchi futbolchiga aylandi. Undan avval bu natijaga faqat quyidagi futbolchilar erishgan edi:
-
David Silva — 35 gol;
-
Alvaro Morata — 37 gol;
-
Fernando Torres — 38 gol;
-
Raul Gonsales — 44 gol;
-
David Vilya — 59 gol.
Oyarsabalga ushbu natijaga erishish uchun 60 ta o‘yin kifoya qildi. Bu esa u Ispaniya terma jamoasi safida deyarli har ikkinchi uchrashuvda gol urayotganini anglatadi. Shuningdek, «Real Sosyedad» hujumchisi so‘nggi 20 ta bahsda 18 marta raqiblar darvozasini ishg‘ol qilgan.
Eslatib o‘tamiz, Ispaniya jahon chempionati finalida Angliya — Argentina juftligi g‘olibi bilan to‘qnash keladi. Qiziqarlisi, Oyarsabal faoliyati davomida ishtirok etgan oltita finalning barchasida gol urgan. Ular qatoriga 2021 yilgi Olimpiya o‘yinlari, 2021 va 2025 yilgi Millatlar ligasi finallari, Yevro-2024 hamda 2020 va 2026 yilgi Ispaniya Kubogi finallari kiradi.
