«Tottenxem»ning sobiq bosh murabbiyi Antonio Konte «Bavariya» va Angliya terma jamoasi hujumchisi Xarri Keyn haqida o‘z fikrlarini bildirib o‘tdi.
«Xarri — ajoyib hujumchi, lekin u «o‘nlik» (pleymeyker) pozisiyasida ham o‘ynashga qodir. U maydonda qanday harakat qilish kerakligini juda yaxshi tushunadi. Bu yuqori sifat va texnik mahoratga ega bo‘lgan fantastik futbolchi. Keyn — haqiqiy yetakchi. Jamoadoshlari maydonda doim uni qidirishadi, u esa ularning ishonchini hamisha oqlaydi», — deya Kontening so‘zlaridan iqtibos keltiradi Football Italia nashriga tayanib La Gazzetta dello Sport.
O‘tgan klub mavsumida «Bavariya» hujumchisi 51 ta uchrashuvda 61 ta gol urdi. Shuningdek, uning hisobida yettita golli uzatma ham bor.
Jorj JCH-2026 turnirida Keyn barcha oltita o‘yinda maydonga tushib, raqiblar darvozasini olti bor ishg‘ol qildi va bitta golli pas uzatdi.
