«Barselona» yarim himoyachisi Mark Kasado Angliyaning top-klublariga o‘tishni istamadi.

TEAMtalk nashri xabariga ko‘ra, Premyer-liga grandlari — «Manchester Siti» va «Chelsi» 22 yoshli futbolchiga qiziqish bildirgan, biroq ispaniyalik futbolchiga har ikkala variant ham ma’qul kelmadi. Xavbek «ko‘k-anorranglilar» safini faqat doimiy ravishda maydonga tushishi mumkin bo‘lgan jamoa uchun tark etishga tayyor.

Avvalroq Mark Kasado agar klub rahbariyati ketganini so‘rasa, «Barselona»ni tark etishini ma’lum qilgan edi. Transfermarkt portali talqiniga ko‘ra, futbolchining bozor qiymati 18 million yevroni tashkil etadi. Mehnat shartnomasi muddati 2028 yilning o‘rtalarigacha hisoblangan.