«Manchester Siti» sobiq himoyachisi Kayl Uoker Jahon chempionati — 2026 yarim finali doirasidagi Angliyaga qarshi o‘yinda Argentina terma jamoasi hujumchisi Lionel Messi ko‘rsatgan o‘yin haqida o‘z fikrlari bilan o‘rtoqlashdi.
«Messi birinchi bo‘limda o‘zini ko‘rsata olmadi, Anderson unga qarshi juda yaxshi o‘ynadi. Biroq uning haqiqiy daho ekanligini unutmaslik lozim. Leo uchrashuv so‘nggida jonlandi va ikkita golni yuzaga keltirdi. Aynan mana shuning uchun ham u men uchun futbol tarixidagi eng buyuk o‘yinchidir», — deya Uokerning so‘zlarini keltiradi The Sun nashri.
Eslatib o‘tamiz, ushbu bahsda Argentina Angliya ustidan 2:1 hisobida g‘alaba qozondi. Messi esa jamoasining har ikkala goliga assistentlik qilib, ikkita golli uzatmani o‘z hisobiga yozdirib qo‘ydi.
Jahon chempionati finalida argentinaliklar Ispaniya terma jamoasi bilan to‘qnash kelishadi. Hal qiluvchi uchrashuv 19 iyul kuni bo‘lib o‘tadi.
