«Manchester Siti» sobiq himoyachisi Mayka Richards Jahon chempionati yarim finalida Argentinaning Angliya ustidan qozongan g‘alabasidagi (2:1) Lionel Messining o‘yiniga qoyil qoldi.

Argentina terma jamoasining 39 yoshli hujumchisi ikkita golli uzatmani amalga oshirdi.

«Ularda Lionel Messi bor. Ularda GOAT — barcha davrlarning eng buyuk futbolchisi bor.

Hammasini vaziyatlar hal qildi. Biz uchrashuv qahramoni Bellingem yoki Keyn bo‘lishi mumkin deb o‘ylagandik, ammo aynan shuning uchun Messi — qirol. U nimalarga qodirligi hayratlanarli.

U maydonda shunchaki yurib yurishi mumkin, ammo to‘p oyog‘iga tushgach, bir zumda jonlanadi. Aynan o‘sha lahzada uning daholigi namoyon bo‘ladi va ko‘pincha bu hal qiluvchi omilga aylanadi.

Meksika va Norvegiyaga qarshi o‘yinlarda raqiblarga o‘z imkoniyatlaridan foydalanish uchun mahorat yetishmadi. Ammo Messiga vaqt va bo‘sh joy bersangiz, u albatta sizni jazolaydi», — dedi Richards.