«Манчестер Сити» собиқ ҳимоячиси Майка Ричардс Жаҳон чемпионати ярим финалида Аргентинанинг Англия устидан қозонган ғалабасидаги (2:1) Лионель Мессининг ўйинига қойил қолди.

Аргентина терма жамоасининг 39 ёшли ҳужумчиси иккита голли узатмани амалга оширди.

«Уларда Лионель Месси бор. Уларда GOAT — барча даврларнинг энг буюк футболчиси бор.

Ҳаммасини вазиятлар ҳал қилди. Биз учрашув қаҳрамони Беллингем ёки Кейн бўлиши мумкин деб ўйлагандик, аммо айнан шунинг учун Месси — қирол. У нималарга қодирлиги ҳайратланарли.

У майдонда шунчаки юриб юриши мумкин, аммо тўп оёғига тушгач, бир зумда жонланади. Айнан ўша лаҳзада унинг даҳолиги намоён бўлади ва кўпинча бу ҳал қилувчи омилга айланади.

Мексика ва Норвегияга қарши ўйинларда рақибларга ўз имкониятларидан фойдаланиш учун маҳорат етишмади. Аммо Мессига вақт ва бўш жой берсангиз, у албатта сизни жазолайди», — деди Ричардс.