"Real"ning braziliyalik hujumchisi Endrik yana ijaraga ketishi mumkin. Bu haqda jurnalist Ekrem Konur xabar bermoqda.
Manbaning ma’lumotiga ko‘ra, Italiyaning "Roma" klubi 19 yoshli futbolchini ijaraga olish bo‘yicha faol muzokaralar olib bormoqda. Eslatib o‘tamiz, Endrik o‘tgan mavsumning ikkinchi qismini Fransiyaning "Lion" klubida o‘tkazgan edi. Ta’kidlanishicha, "Roma" uchun ustuvor vazifa aynan Endrikni ijaraga olish, to‘liq transfer qilish emas.
"Real" hujumchini 2024 yilda "Palmeyras"dan deyarli 50 million yevro evaziga sotib olgan edi. O‘shandan beri u "Real" safida 40 ta o‘yinda maydonga tushib, yettita gol urdi va bitta golli uzatmani amalga oshirdi.
Endrikning "Real" bilan amaldagi mehnat shartnomasi 2030 yilning iyunigacha mo‘ljallangan.
