"Реал"нинг бразилиялик ҳужумчиси Эндрик яна ижарага кетиши мумкин. Бу ҳақда журналист Экрем Конур хабар бермоқда.

Манбанинг маълумотига кўра, Италиянинг "Рома" клуби 19 ёшли футболчини ижарага олиш бўйича фаол музокаралар олиб бормоқда. Эслатиб ўтамиз, Эндрик ўтган мавсумнинг иккинчи қисмини Франциянинг "Лион" клубида ўтказган эди. Таъкидланишича, "Рома" учун устувор вазифа айнан Эндрикни ижарага олиш, тўлиқ трансфер қилиш эмас.

"Реал" ҳужумчини 2024 йилда "Палмейрас"дан деярли 50 миллион евро эвазига сотиб олган эди. Ўшандан бери у "Реал" сафида 40 та ўйинда майдонга тушиб, еттита гол урди ва битта голли узатмани амалга оширди.

Эндрикнинг "Реал" билан амалдаги меҳнат шартномаси 2030 йилнинг июнигача мўлжалланган.