«Vest Xem» sardori Jerrod Bouen jamoa Chempionshipga (Angliya ikkinchi divizioni) tushib ketganiga qaramay, klubda qolishga qaror qildi.
29 yoshli vinger keyingi mavsumda Chempionshipda o‘ynashni nazarda tutuvchi kontrakt shartlarining o‘zgarishiga rozi bo‘ldi, ammo kelishuv muddati avvalgidek qoldi — 2030 yilgacha.
«Mening asosiy motivasiyam — shu yerda qolish va klubni o‘ziga munosib bo‘lgan APLga qaytarish», — dedi futbolchi.
Bouen London jamoasida 2020 yilning yanvaridan beri to‘p suradi. O‘tgan mavsumda futbolchi APLning 38 ta o‘yinida 9 ta gol urdi va 11 ta golli uzatmani amalga oshirdi.
