Jahon chempionati-2026 finalida Argentina va Ispaniya terma jamoalari 96 yillik musobaqa tarixida ilk bor chempionlik uzuklarini qo‘lga kiritish uchun maydonga tushadi. Bu haqda The Athletic portali xabar berdi.
Jahon kubogi va oltin medallardan tashqari, chempionlarga 30 ta eksklyuziv uzuk topshiriladi. FIFA buni «Amerikaning eng taniqli sport an’analaridan birini jahon futboliga olib kirish» deb atadi.
Uzukning bir tomoni JCH kubogi tasviri bilan, ikkinchi tomoni esa g‘olib jamoa uchun maxsus dizaynda bezatiladi. Finaldan so‘ng murabbiy va sardorga vaqtinchalik nusxalar topshiriladi, asosiy uzuklar esa keyinroq tayyorlanadi. Shuningdek, muxlislar uchun 1996 ta uzuk sotuvga chiqariladi.
Final 19 iyul kuni bo‘lib o‘tadi. Amaldagi chempion Argentina yarim finalda Angliyani, Ispaniya esa Fransiyani mag‘lub etgandi. O‘yinga AQSH prezidenti Donald Tramp tashrif buyuradi va uning kubokni topshirishi kutilmoqda.
