Fransiya va Angliya terma jamoalari yarim finalda mos ravishda Ispaniya (0:2) va Argentina (1:2)ga imkoniyatni boy berib, endi Jahon chempionatining 3-o‘rin uchun kechadigan bahsida to‘qnash kelishmoqda. Birinchi bo‘lim yakunlandi va tabloda 0:4 hisobi porlab turibdi.
O‘yinning birinchi yarmida Angliya terma jamoasi safida Deklan Rays, Ezri Konsa va Bukayo Saka (dubl) gol mualliflariga aylanishdi. Ayniqsa, uchinchi gol juda kutilmagan holat bo‘ldi — fransiyaliklar himoyada o‘ta sust harakat qilishmoqda.
Futbolda kamdan-kam hollarda bo‘lsa-da, jamoalar 0:4 hisobidan keyin ham o‘yinni tenglashtira olgan holatlar kuzatilgan. Bunday o‘yinlar ro‘yxatiga kirish uchun Fransiya terma jamoasi tanaffusdan keyin keskin kuchayishi talab etiladi.
