«Aston Villa» «Chelsi» hujumchisi Nikolas Jeksonni o‘z safiga qo‘shib olish imkoniyatini ko‘rib chiqmoqda. Bu haqda jurnalist Fabrisio Romano o‘z ijtimoiy tarmoqlarida ma’lum qildi.

Manbaga ko‘ra, hujumchining nomi klublar o‘rtasida so‘nggi bir sutka ichida bo‘lib o‘tgan muloqotlar chog‘ida muhokama qilingan. Birmingemliklar bosh murabbiyi Unai Emeri Jeksonni «Vilyarreal»dagi birgalikdagi faoliyatidan yaxshi taniydi va uning o‘yin sifatlariga yuqori baho beradi.

O‘tgan mavsumda Jekson «Bavariya» safida ijara asosida to‘p surgan. 25 yoshli senegallik futbolchi 34 ta o‘yinda maydonga tushib, 11 ta gol urgan va 4 ta golli uzatmani amalga oshirgan. Jeksonning bozor qiymati 40 million yevroni tashkil etadi.