«Астон Вилла» «Челси» ҳужумчиси Николас Жексонни ўз сафига қўшиб олиш имкониятини кўриб чиқмоқда. Бу ҳақда журналист Фабрицио Романо ўз ижтимоий тармоқларида маълум қилди.

Манбага кўра, ҳужумчининг номи клублар ўртасида сўнгги бир сутка ичида бўлиб ўтган мулоқотлар чоғида муҳокама қилинган. Бирмингемликлар бош мураббийи Унаи Эмери Жексонни «Вильярреал»даги биргаликдаги фаолиятидан яхши танийди ва унинг ўйин сифатларига юқори баҳо беради.

Ўтган мавсумда Жексон «Бавария» сафида ижара асосида тўп сурган. 25 ёшли сенегаллик футболчи 34 та ўйинда майдонга тушиб, 11 та гол урган ва 4 та голли узатмани амалга оширган. Жексоннинг бозор қиймати 40 миллион еврони ташкил этади.