«Al-Hilol» o‘ng qanot himoyachisi Joau Kanseluning «Barselona»ga o‘tishi hozircha kechiktirilmoqda.
Diario Sport xabariga ko‘ra, Saudiya klubi bosh murabbiyi Simone Indzagi futbolchiga ishonch bildirmayapti, portugaliyalikning o‘zi esa Kataloniyaga qaytishni istamoqda. Biroq Ar-Riyod klubi futbolchini arzonlashtirilgan narxda sotishga rozi emas. «Ko‘k-anorranglilar» transfer uchun 10 million yevrodan kamroq mablag‘ sarflashni rejalashtirishmoqda, ammo hozircha rasmiy taklif bilan chiqishganicha yo‘q.
Joau Kanselu o‘tgan mavsumning ikkinchi yarmida «Barselona»da ijara asosida o‘ynagan edi. 32 yoshli futbolchining «Al-Hilol» bilan amaldagi shartnomasi kelgusi yilning o‘rtalarigacha mo‘ljallangan.
