Argentina terma jamoasi hujumchisi Lionel Messi milliy jamoadagi faoliyatini yakunlashga qaror qildi. Bu haqda X ijtimoiy tarmog‘ida jurnalist Ernan Kastilyo xabar berdi.
Manba ma’lumotiga ko‘ra, Messi 2026 yilgi jahon chempionati finali oldidan kiyinish xonasida jamoadoshlariga hissiyotlarga boy nutq so‘zlagan va ushbu uchrashuv uning «albiseleste» safidagi so‘nggi o‘yini bo‘lishini ma’lum qilgan.
Eslatib o‘tamiz, jahon chempionati finalida Argentina terma jamoasi qo‘shimcha vaqtda Ispaniyaga 0:1 hisobida mag‘lub bo‘ldi.
Messi 2026 yilgi mundialda 8 ta gol urib, 4 ta golli uzatmani amalga oshirdi. Shuningdek, musobaqa davomida u eng nufuzli milliy jamoalar turniri tarixida 20 gollik marrani birinchi bo‘lib zabt etdi, turnir tarixidagi eng yaxshi assistent va eng ko‘p o‘yin o‘tkazgan futbolchi sifatida ham rekord o‘rnatdi.
Ayni paytda Messining terma jamoadagi faoliyatini yakunlashi haqida Argentina futbol assosiasiyasi tomonidan rasmiy bayonot berilgani yo‘q. Shu bois ushbu ma’lumot hozircha jurnalist Ernan Kastilyo keltirgan manbaga asoslangan xabar hisoblanadi.
