«Manchester Siti» «Real» nishoniga aylangan yarim himoyachi Rodrini o‘z safida ushlab qolishni rejalashtirmayapti.

«Qirollik klubi» 30 yoshli futbolchi uchun kurashga qaytdi — Florentino Peres o‘z pozisiyasini qayta ko‘rib chiqishga va jahon chempionini o‘z safiga qo‘shib olishga rozi qilindi. Le Journal du Real xabariga ko‘ra, «shaharliklar» rahbariyati ispaniyalik futbolchining transferiga qarshlik ko‘rsatmaydi. Ingliz klubi o‘yinchining «Real»da o‘zini sinab ko‘rish istagidan xabardor, shu bois minnatdorchilik va hurmat yuzasidan uning rejalarini buzmaydi.

Mish-mishlarga ishonsak, «Real» allaqachon Rodrining o‘zi bilan kelishuvga yaqinlashgan, ammo hali «Manchester Siti»ga rasmiy taklif yuborgani yo‘q.