«Манчестер Сити» «Реал» нишонига айланган ярим ҳимоячи Родрини ўз сафида ушлаб қолишни режалаштирмаяпти.
«Қироллик клуби» 30 ёшли футболчи учун курашга қайтди — Флорентино Перес ўз позициясини қайта кўриб чиқишга ва жаҳон чемпионини ўз сафига қўшиб олишга рози қилинди. Le Journal du Real хабарига кўра, «шаҳарликлар» раҳбарияти испаниялик футболчининг трансферига қаршлик кўрсатмайди. Инглиз клуби ўйинчининг «Реал»да ўзини синаб кўриш истагидан хабардор, шу боис миннатдорчилик ва ҳурмат юзасидан унинг режаларини бузмайди.
Миш-мишларга ишонсак, «Реал» аллақачон Родрининг ўзи билан келишувга яқинлашган, аммо ҳали «Манчестер Сити»га расмий таклиф юборгани йўқ.
