Angliyaning «Ipsvich Taun» klubi rasmiy saytida «Fulxem» himoyachisi Issa Diopning transferini e’lon qildi.
«Markaziy himoyachi «Ipsvich Taun»ga oshkor qilinmagan summa evaziga o‘tib, 2030 yilning yozigacha mo‘ljallangan shartnoma imzoladi.
29 yoshli Issa shu yozda futbol bo‘yicha Jahon chempionatida Marokash terma jamoasi sharafini himoya qilib, terma jamoasining chorak finalgacha bo‘lgan yo‘lida beshta o‘yinda maydonga tushgach, Suffolkga ko‘chib o‘tmoqda. U Niderlandiyaga qarshi o‘yinda gol urishga ham erishgan edi.
Diop Premyer-ligada katta tajribaga ega bo‘lib, Angliya yuqori divizionida 173 ta o‘yinda maydonga tushgan. U avvaliga to‘rt yil davomida «Vest Xem Yunayted»da o‘ynagan, so‘ng 2022 yilning yozida «Fulxem»ga o‘tgan edi», — deyiladi klub xabarida.
