Англиянинг «Ипсвич Таун» клуби расмий сайтида «Фулхэм» ҳимоячиси Исса Диопнинг трансферини эълон қилди.
«Марказий ҳимоячи «Ипсвич Таун»га ошкор қилинмаган сумма эвазига ўтиб, 2030 йилнинг ёзигача мўлжалланган шартнома имзолади.
29 ёшли Исса шу ёзда футбол бўйича Жаҳон чемпионатида Марокаш терма жамоаси шарафини ҳимоя қилиб, терма жамоасининг чорак финалгача бўлган йўлида бешта ўйинда майдонга тушгач, Суффолкга кўчиб ўтмоқда. У Нидерландияга қарши ўйинда гол уришга ҳам эришган эди.
Диоп Премьер-лигада катта тажрибага эга бўлиб, Англия юқори дивизионида 173 та ўйинда майдонга тушган. У аввалига тўрт йил давомида «Вест Хэм Юнайтед»да ўйнаган, сўнг 2022 йилнинг ёзида «Фулхэм»га ўтган эди», — дейилади клуб хабарида.
