«Tottenxem» va Angliya terma jamoasi himoyachisi Jed Spens top-klublar e’tiborini tortishda davom etmoqda.

TEAMtalk xabariga ko‘ra, «Manchester Yunayted» futbolchini o‘z safiga qo‘shib olish uchun kurashga qo‘shildi. «Qizil iblislar» yozgi transfer oynasi yopilgunga qadar futbolchining transferi bo‘yicha taklif yuborishga tayyor.

Spens 2022 yilda «Midlsbro»dan «Tottenxem»ga 14 million yevro evaziga o‘tgan edi. Uning «shporlar» bilan shartnomasi 2029 yilning 30 iyunigacha mo‘ljallangan. 2025/26 yilgi mavsumda himoyachi London klubi safida barcha turnirlarda 44 ta o‘yin o‘tkazib, golli harakatlar bilan ajralib turmadi. Transfermarkt portali futbolchining qiymatini 30 million yevroga baholamoqda.