Italiya Futbol Federasiyasi texnik direktori Paolo Maldini Xosep Gvardiola bilan Italiya terma jamoasi bosh murabbiyligi bo‘yicha muzokaralar olib borilganini tasdiqladi. Maldini o‘zining maslahatchisi Leonardo bilan birgalikda o‘tkazilgan matbuot anjumanida chiqish qildi.

«Ideal variant — shu hafta oxirigacha yangi murabbiyni tayinlash edi, ammo balki undan ham ma’qulirog‘i biz haqiqatan ham ko‘rishni istagan insonni kutishdir. Muayyan shoshma-shosharlik bor, lekin bu shoshilinch va o‘ylanmagan qaror bo‘lmasligi kerak», — dedi Maldini.

«Odamlar jarayonni tezlashtirishni istayotgani tushunarli, biz ham buni xohlaymiz, ammo nimani istayotganimizni aniq tushunib olish juda muhim», — deb ta’kidladi Leonardo.

«Biz yangiliklarni oshkor qila olmaymiz. Siz maqsadlarimizdan biri haqida xabardorsiz. Gvardiola bilan bog‘lanishdan oldin Anchelotti bilan ham gaplashganimizni inkor eta olmaymiz. Dunyoning eng yaxshi murabbiylari deb hisoblagan mutaxassislarimizdan boshlash to‘g‘ri qaror edi. Biz ularning taklifga qanchalik tayyor ekani haqida umumiy taassurotga ega bo‘lishimiz kerak edi», — dedi Maldini.

Italiya terma jamoasi oxirgi uchta Jahon chempionatini o‘tkazib yubordi.