Londonning «Tottenxem» klubi darvozaboni Gulyelmo Vikario jamoaning mavsumlararo turnesi uchun qaydnomasidan joy olmadi. Italilik posbon ushbu yozgi transfer oynasida klubni tark etishi deyarli aniq bo‘lib turibdi.
Vikarioning tarkibdan tashqarida qolgani uning «shporlar» safidagi faoliyati nihoyasiga yetayotganidan dalolat beradi. 2023 yilda «Empoli»dan ko‘chib o‘tgan 29 yoshli darvozabon o‘tgan vaqt mobaynida Premyer-liganing eng ishonchli posbonlaridan biri sifatida o‘zini ko‘rsata olgan edi.
«Tottenxem» rahbariyati o‘z asosiy darvozaboni bilan xayrlashishga tayyor ko‘rinmoqda. Endilikda londonliklar uning o‘rniga yangi ijrochi izlashga majbur bo‘lsa, Italiya terma jamoasi a’zosiga da’vogarlik qilayotgan klublar transferni tezroq hal qilishga harakat qilishadi.
