«Nyukasl» yarim himoyachi Bruno Gimaraes bo‘yicha «Arsenal»ning yangi taklifiga rozi bo‘lish niyatida emas. Bu haqda Metro nashri xabar bermoqda.

Britaniya matbuoti ma’lumotlariga ko‘ra, «Arsenal» «Nyukasl» sardori uchun taklif summasini 82 million yevrogacha oshirishga tayyor. «Qarg‘alar» qarorgohida ushbu taklifni yetarli emas deb hisoblashayotgani va uni jiddiy ko‘rib chiqmayotganliklari ma’lum.

Ma’lumki, Gimaraes avvalroq Mikel Arteta jamoasiga o‘tish bo‘yicha shaxsiy shartnoma shartlarini kelishib olgan va «Nyukasl» rahbariyatiga shu yozda klubni tark etish istagi borligini ma’lum qilgan edi.

Sandro Tonali va Entoni Gordon kabi o‘yinchilaridan ayrilgan «Nyukasl» o‘z kapitani uchun qariyb 116 million yevro talab qilishi kutilmoqda.