38 yoshli himoyachi Nikolas Otamendi Argentina terma jamoasidagi faoliyatini yakunlaganini e’lon qildi.

«Men bolaligimdan beri Argentina terma jamoasi libosini kiyishni orzu qilardim. Bu futbol menga taqdim etgan eng buyuk sharafdir. Men uni butun qalbim bilan, faxr va millionlab argentinaliklar uchun nimani anglatishini his qilgan mas’uliyat bilan himoya qildim.

Taqdir shunday bo‘ldiki, terma jamoadagi oxirgi o‘yinim Jahon chempionati finali bo‘ldi. Natija biz kutgandek bo‘lmadi, ammo jamoa oxirgi soniyagacha bor kuchini berganini anglagan holda boshimni baland ko‘tarib ketmoqdaman», — deb yozdi «River Pleyt» sharafini himoya qilayotgan Nikolas Otamendi.

Otamendi Argentina terma jamoasi safida 139 ta o‘yin o‘tkazib, 8 ta gol urgan va 3 ta golli uzatmaga mualliflik qilgan. U milliy terma jamoa tarkibida to‘rtta Jahon chempionatida, jumladan, 2022 yilgi chempion bo‘lgan musobaqada ishtirok etgan.