Yurgen Klopp Germaniya futbol ittifoqi (DFB) bilan shartnoma imzoladi va Germaniya milliy terma jamoasini boshqaradigan bo‘ldi. Kelishuv 4 yilga mo‘ljallangan.

Jurnalist Fabrisio Romanoning ma’lumotiga ko‘ra, mutaxassisning bundestim ustozi sifatidagi taqdimoti bugun, 24 iyul kuni bo‘lib o‘tadi.

Eslatib o‘tamiz, Yulian Nagelsmann 2026 yilgi Jahon chempionatidan so‘ng qoniqarsiz natijalar sababli iste’foga chiqqan edi. Nemislar 1/16 finalda penaltilar seriyasida Paragvay terma jamoasiga imkoniyatni boy berib, musobaqani tark etishgandi.

Kloppning so‘nggi ish joyi «Liverpul» bo‘lgan va u 2024 yilda murabbiylik faoliyatida tanaffus qilish istagi bilan klubni tark etgan edi.