«Uoking» klubi rasmiy saytida Angliya terma jamoasining sobiq hujumchisi Jermeyn Defoning bosh murabbiylik lavozimini tark etganini e’lon qildi. Tomonlar shartnoma imzolanganidan to‘rt oy o‘tar-o‘tmas kelishuvni o‘zaro rozilik bilan bekor qilishdi.

Defo qo‘l ostida jamoa ikki bor g‘alaba qozondi, uch marta durang o‘ynadi va bir bor mag‘lubiyatga uchrab, mavsumni 10-o‘rinda yakunladi. Mavsumoldi tayyorgarlik jarayonidagi o‘rtoqlik o‘yinlarida «Uoking» «Sholing»ni mag‘lub etdi va «Portsmut»ga imkoniyatni boy berdi.

Avvalroq Defo «Tottenxem» akademiyasida murabbiy bo‘lib ishlagan, shuningdek, «Reyndjers»da Stiven Jerrardning assistenti bo‘lgan edi.

Futbolchilik faoliyati davomida hujumchi «Vest Xem», «Bornmut», «Tottenxem», «Portsmut», «Sanderlend», «Toronto» va «Reyndjers» klublarida to‘p surgan.